中途休息及執倉

本來唔想咁快出post, 因為思路有些改變所以趁機會執倉。上星期入的1922 及1895 2606今天都雞咗。

之前買入原因是希望龍頭整固時炒埋龍尾，事實証明睇錯及高估自己短炒技巧。看得多T兄的神級操作以為自己都上埋身。
今天整個物管板塊走弱，所以減晒D短炒倉位。暫時未知整固定散場？現時剩保留3319倉位，若果只是回調而D非轉勢，反而可待回調深一點時建倉，目標是1755 3662 2168 1995 几於隻盈利能力較佳的二線物管，或者考慮九蚊邊建倉建業新生活。

內需沒有變動，都係個几隻：3331 1717 3669。

教育板塊仍當炒，382 及667都唔使郁住。買咗6169 同6068純因為未破位。不過買入後就燈咗。

內房板塊繼續積弱，組合持股未有變，仍是813同 2777。2777揸很小，想收息，但股價真係弱到晕，有個別內房單收一期股息巳超過五厘，不過要忍得股價較弱。

近來醫療設備炒到飛天，但組合一隻都冇，科網板塊明顯轉強，700早兩天雞埋。近排興炒科網，醫療設備，教育，几個sector 都冇的話，近排很難揾食。

由三月份反彈到五月初，此段時間暫時計算是較別易贏個唚，組合回報較佳的持股都是那段時間買進。踏入五月份開始，組合回報有點停滯不前，除因為炒反彈因素漸淡化外，同時選股及板塊變得更重要。

這部份能力較考功夫，除要對市況主旋律要有認知外，也要對個別行業分析有瞭解，同樣是物管買中龍頭及龍尾差異巳很大。為何咁快斬晒D細物管，是因為買入前沒有計算由低位反彈幅度，但若加入考虑反彈幅度，1922 同 1895 巳反弹接近50％,若非基本因素佳或強勢，基本上值博空間較細。

相同問題也發生在教育板塊上，部份一個月升幅動輙巳起過四成，近排整個板塊部份股走強，不知道物管轉弱走势会否發生在教育板塊上。
未來部署，逐步套現預備炒半新股或等待泰格京東上市。
暫時觀察有趨勢資金流向ATMX,可惜倉內沒貨，畢竟選股都是弱項。