一週回顧22052020

今週波幅之勁，先升後跌，特別星期五急跌1349點。如今早所述，沽得唔靚，我指短炒個D貨。
言歸正傳，基本今週仍有些股票仍錄得升幅，这批股份大多為禮拜中或初曾創新高，回調幅度就算有仍有得升。較強板塊仍是內需股及教育板塊。
火煱海底捞及呷哺呷哺仍有升幅，颐海反而無乜料到。
旅遊板塊上週巳提及有料到，696今週初仲急升，埋單計還有一成升幅，另一旅遊概念太陽城平收。
汽車銷售商創新高埋單仍有升幅881 1268 仲有得升，特別隻881 接近有一成升幅。此股自五月開始每週接近都有一成升幅。29/4月收31.3,今週收39.7，堅劲，另一指標是此股基本上自三月中開始除兩週整固外都维持上升格局。差不多走勢是隻美東，3669較弱所以今天雞咗咗，要買此板塊應以前兩者較佳。
科網除772 外，2013超生猛，發完CB换股價6.8後連爆几棍，埋單仲有升幅。
醫療設備股853都有得升，偉哥品題股1302錄跌幅，但今天平收，值得跟進？
物管股基本無一幸免能錄升幅，反而棄股1895微升，FAI兄激到紥紥跳，射程範圍內隻1755守得不錯，棄股嘉寶唔見10粒，又到咗支持區，反弹之選？？？
水泥股基本上全白旗，除743外全板跌，914仲似行緊圆顶，有興趣博應考慮743 及2233,因為禮拜初仲行得几靓。
電力股出奇地继續強836 有升，902, 1071，2380接近平收。
金礦股繼續做好。
其他有升幅為中國科培，滔博，6088,個別地產如813及弘陽地產。另外一個板塊值得跟進是澳門赌業股880平收，永利小幅下跌，都算跑贏大市。