雜談

本來想寫篇關於9989 海普瑞的文章，睇咗部份招股書，由於懶惰關係，費事字搬字，索性寫感覺及投機價值。

由於資金關係，明天下星期派彩個兩隻D孖展錢口籠，基本上可過落去隻9989 到，因為孖展下星期一六點先截(BOC), 其實現在招股中的永泰也有投机价值，但邊買得咁多。所以回籠的錢雖不多，大多考慮上市買入或暗盤追入隻康基。等埋下星期二隻扮靓派埋彩便可將资金重新調配或預留IPO，因為來緊仲有很多ipo 好嘢，今天睇智通，有很多熱門板塊遞咗表等上市聆訊，包括物管，合景隻物管合景悠活及雅居樂的雅成国际等等。由於3319嘅關係，呢隻雅成国际都會望多兩眼。

講開物管，正在招股的弘阳地產原來是李家傑先生第三集做基石的物管股，對上兩隻3662 及1941，不知道是俾面派對還是他情有獨鍾物管？對上兩隻大概投資港銀3仟零萬，今次差不多double個额7仟几萬。若睇成績3662升咗個開，1941仲潛緊水，未知弘阳咩情況。

講返9989招股書披露是抗凝血產品生產商，據廣發證券披露，集團的產品在內地獲批准使用的情況較同類產品多，市場份额超越第二及第三的總和，產品收入九成為海外市場，特別來自於歐美兩個區。

集团CDMO 業務佔總收入低於兩成，主要透過其下兩間公司俱貢獻此部收入，好的方面睇是增長空間遼闊，相比龍頭企業藥明及康龍收入佔比及市佔率不能匹敵。

投資此股最大風險因素是中美歐貿易關係影響集團外銷的模式，第二大風險是CDMO業務增長較預期細，但此一風險互機會較低，因為此業務正是未來醫療板塊發展迅速的賽道。同時內地企業相較国外的成本優勢正摧化外資企業與国內CDMO企業發展。

投資組合方面，持股在醫療板塊佈局方面較小，除最近買入的853 外，並沒有持有其他不同細分行業的公司。未來有機會買入康基，增加高值耗材的持股，亦会考慮買入2500啟明。
另外CRO CDMO企業方面，現時香港上市的有藥明及康龍外，唯有等未來泰格上市或睇靚價買3759，或再等股東減持時股價走低時買。還有PD-1抗肿瘤 赛道的几間公司，現時上市公司中有相關業務的包括：百济神州 6160 君實1877 信達1801 康方9926 等，几隻今年都跑贏大市，特別係近兩個月升得几急，升幅介乎4成4至7成4，未來趨勢是單克隆抗體在免疫系統應用廣泛，隨著不同的產品上市，都會成為各公司的股價催化劑，早几年1801 1877 初上市在廿几蚊時買過但坐唔暖就走咗，因為當時此兩公司還在燒銀紙階段，未有產品上市。今年以來几間爆升的生物製葯公司各自有產品獲批上市。
暫時因為畏高，所以似乎買康方較安心，雖然較上市價巳升咗一倍！