今週六月開局，連升五天，完全唔似抄緊熊反彈，圖表派可能唔同意，我完全唔識，只是順勢跟炒。昔日老曹話：「BAD MARKET, GOOD STOCK PICKING」,今週既然咁好,所以Watch list 內的股票普遍都有不俗升幅，個別板塊繼續走強，如內需啤酒168 291,近排多咗行提啤酒股，兩隻都曾創新高，可能多咗一個炒作原因是「地摊經濟」概念，除炒車外，也有概念發酵。
水泥股都是較弱，除隻743外，其餘几隻都散晒，特別隻2233,直情冇晒勢，待觀察。
物管就好個別，一線物管整固緊，同時受1995 永升配股集資砌散咗，但也有一些百亿市值下的物管爆邊，如1922 2606 9928, 三宝健康美好鄰里暫時以9928較佳，其餘美好都創新高，健康在前浪頂整固，同埋健康整年計累計升幅算細，隻2606真係唔係好夾，炒股不得不承認真的久不久會遇到這情況。
濠賭股唔知係唔係轉勢，賭王系自從他仙遊消息出那天喪炒後基本持續強，242 200 880,三隻計較喜歡880,此股由三月低位回升呈階梯狀，每個月都有一成升幅，另一賣點是息率算高，其餘賭股勢頭也不算太差，另200主席何猷龍麻麻吸，唔知有冇後著，雖然過去兩個月博彩收益下跌幅度較預期佳，始終基本面未有大改變，可炒但不宜大注，除非賭王系有重組或大搞作，如果唔係现價是否已經偏高，鈡記攞咗隻27分析及應為到咗價，也值得参巧。
內房股真的可能跟大市走，很多內房今個星期都有接近一成升幅，較強勢的813 1813都跟大市升及破顶，其他低位徘徊的內房也有升幅，可惜持股2777唔識升，這隻股從股價表現已經知道缺點多過優點，有機會再分享下看法。下星期有几隻內房會除淨，有興趣可留意一吓：
2772 同 3301 （9/6), 1813 同119 （10/6）1628 （15/6）1238 ,3990 ,884（16/6）
整個板塊也是有復甦概念，因為五月份銷售數字都陸續公佈，有些數字不差如1628 3990,兩隻yield 都不差。
教育股就比較個別，持股1890 科培創新高後回翻D，另隻382都剛公佈在江門投咗塊地，未來建校可谷大盈利，繼續持有以上兩隻,另外射程範圍多咗几隻落後教育股，大部份都係炒返來，偉哥個邊彈咗隻卓越教育，同埋隻建橋教育，兩隻都有Theme,有机会寫吓，未落注因近排要打新。
另外睇到兩個現象，可能只是隨大市氣氛轉好而相繼造好，一是本地零售股398 113爆得勁，但又唔係全部都升如178冇乜升。113 同398都是cash cow。唔知係唔係隨市好反彈。還有半年結快到，看官可留意一些比較落後的基金股，近排動輙可以抽得好勁,如中煙，若果執到一隻半隻回報應不錯。
近排執咗隻本地扮靓股等炒業績，到時唔知驚喜定驚嚇，因為此股派息記錄曾經不良，突然唔派息,同埋今年冇盈喜，但同業剛公佈不俗，公司四月初仲出咗份公告，提示銷售合約較去年同期增加不少於百分之五，冇睇錯，單個位数升幅好過倒退啦！未知派彩日，希望有驚喜（派息及業績），此股在blog界很多人留意，有人輸有人赢，第一次買入，同埋今個星期入咗隻高值醫療耗材股，不過点咗穴及坐緊艇，T兄第一大持股！
金水兄提及嘅美容股上星期五走勢上似乎想突破一直既下行形勢，我都會偏向相信佢能夠交出比同業更好既成績，如果下星期繼續有資金流入應該有得炒下喎。
回覆刪除尊尼兄，基本上若行業模式若是以套票為主的話，可能社運加疫情的影響較預期細，我猜關鍵是派息因素，上次唔派息就喪插。
回覆刪除刚翻年報，2019 年全年業績收入 11.97亿，每股盈利28.9港仙。
回覆刪除半年業績收入 7亿，每股盈利 21.8港仙。
2019年7月社運刚开始时公佈按年銷售增長12.6%，
2020年2月公佈截止一月尾十個月銷售增長10.6%，
4月份公怖年度銷售增長不少於百分之五。
看數字睇今年盈利不應該倒退，因為销售有增長，驟眼睇社運影響不太大，但四月公告内提及受疫情影響需要關閉三至八星期，所以最尾一季增長有所放緩。
但是中國及澳門只佔總收入三成以下，所以全年業績值得期待，同時集團今次一定要派息。黑天鹅是管理層派息不夠慷慨。
以往唔少人會當佢係收息股，之前都試過持有超過一年，收息嗰下都覺得老闆算闊佬，上次唔派息相信已經趕走左好多諗住收息既股民，感覺老闆唔似玩財技又唔似想股價長期低迷，不過股價係咁落，唯有先走為敬。今次若果派番息的確會比以往更有提振股價效果，但上次若果因為社運唔派，今次疫情就更加大條道理唔派，所以我有少少偏向估今次管理層會選擇派但會派得比以往少，若果下星期繼續有資金流入，我都想買番啲，如果真係能夠升上去既話，可能會保險啲喺業績前走。始終想買既股實在太多，資金好似永遠都唔夠用咁😅
回覆刪除尊尼兄原來也曾是股東，我反而是第一次上車。
回覆刪除根據過往3年派息紀錄，都是派特別息5仙加正常股息。上年停派中期息，管理層目的是希望保留現金作發展之用，但这几個月未有動作，其實不豪派也可理解，就睇佢几時宣布業績。
呢隻野我都係之前從其他BLOG中認識繼而落注，新年有疫情就走左先，多得金水兄提起我先留意番，估唔到股價咁快由低位上番，正如你所講佢呢排未有太多動作，而最理想當然係公佈業績時宣佈派息兼落實之前提及既發展或者收購以增加更多市佔，睇黎應該都就快講幾時業績。
回覆刪除尊尼兄上翻車未？今天未知會否創新高，巳連續几天有資金流入，若衝穿埋 2.63,唔知有冇機挑戰3?
回覆刪除恭喜金水兄你早買早發先，我未入，今日掛住執自己個令人心酸既核心倉，臨收有諗過偷步入，期望佢聽日企穩2.61入場，2.9打後重有無得上似乎要睇佢業績同派息吸唔吸引，現階段都係估估下
回覆刪除今天我擺咗20萬股在 2.63 到幫你顶住，明天快上車，說笑吧。
回覆刪除我也不是揸很多，唔及早几年雲地兄真的揸几十萬股咁勁。
流通量低都買唔到及揸太多。
核心倉揸咗咩貨？
今朝睇股價時嗰刻真係有20幾萬股擺咗喺2.63好一段時間，心諗仲唔係你😆
回覆刪除結果最後都入左，見雲地兄宜家都有買番不過都冇以前咁多，過去一年發生咁多事情，的確好難好似以前咁有確定性同睇得咁好，如果仲唔派息不如炒其他股仲好。
宜家核心倉基本上有7成黎自陳兄同T兄近期既分享研究之後再做買賣，時機上有時未必跟足佢地既操作始終想訓練多啲自己嘅思維同操作模式，最心酸既持股例如恒基同領展呢啲過氣股，錯過左最佳止蝕時機變咗無底深潭，最有可能要收番好幾年息先補償到啲虧損，有少少前面贏幾多後面輸番晒既感覺，哈哈。
處理蚧貨我都冇咩意見，每人資金配置及需要都不同，因為823及12都係本地股，兩者向上的壓力不輕，可幸是兩者都有息派，都坐得，只是機會成本，倉內有些藍筹壓吓倉都唔差。
回覆刪除陳兄對宏觀的分析非常深入，選股從多個度慮，從他身上可學到選股及坐貨的耐性，我的股齡說長不長，短也不太短，但坐貨超過一年者甚少，現在改變了一點，學習坐貨及等待股價成長。
T兄轉身超快及觸覺很敏銳，不太能完全跟他的打法去炒，但他的短炒功力是有目共睹，當然他的長線倉成績也可能堅勁，若能學習他的觸感及對個別行業瞭解也不錯，感覺上他對內地國情及行業發展也有深度認識。
兩位都是很不錯的學習對象。
嶺展同恒雞我大概都只會放喺度收息唔特別搞就算，當加大媽展額應急都好過無，將心神放番喺核心倉。其實都係幾個月前無意中發現陳兄個博，非常認同你嘅講法，我仲有排學，大家一齊加油💪🏻
刪除另外若你有留意，其實很多blogger现在都由舊经济股轉投美股及新经济股的懷抱。
回覆刪除所以如T兄話齋別人的操作系统是不能完全複製的，抽到自己能力能駕馭的打法最為舒適。
現在我主要是試行短炒及較中線倉兩類，短線倉也算是試水温用，若股價有一定升幅而基本面不錯，便可考慮撥部份入長線倉。
隻扮靓股昨天又在2.6至2.65区間浮遊，我都想買多注炒業業績，唔知有冇位上車。暫時睇未公佈派彩日。
今日都有諗過加多啲啲但見大市個勢跌得咁勁加上自己建倉既位唔算低，睇多一兩日先，金水兄有加嗎？
回覆刪除我宜家試行既做法就通常定左隻股長揸定短炒，就算當長線，如果非常睇好，都會買多少少同時當短線，升左之後放短線都唔影響長線揸住，仲試緊呢個打法啱唔啱自己，T兄講得啱，最緊要啱自己。
今日朝早在高位買咗注即蚧，下午急跌忍不住沟多兩注，總計都要捱價，買得太急，拉高晒D成本。
回覆刪除剛看到將會在6月30號派彩。希望今天是升勢中回吐，若吐穿2.4,可能都要減D磅。
今日個市應該跟美股落番,要睇下回幾多先,保守D.仲有成兩個星期玩.
回覆刪除大市雖跌但醫療板塊防守力超強，指數只有等加入d新經濟股先有靚麗表現
回覆刪除