計錯數 合景悠活

昨天1813開市砌低咗2.4左右，事前有張揚是會除淨，但冇唸過会除几多，一開插到落10.xx,到中午12:00 正先出通告，公佈派送比例及股東可優先認購。

想純討苦水，因為有被「焗」的感覺，即時上網及在牛牛及雪球睇吓D  comment,有網友寫集資額4亿美金計，市值約為100 至120 亿，扣咗物管市值部份，隻1813剩低（343減120）即223亿，有網友計條數話剩值10.4左右，咁啱昨天低位在附近，几时派股又唔知，所以今次買此股有點捉蟲味道。

計吓死數，按半年公布業績計，合景悠活收入5.47亿，假設毛利率為20% ，超保守計若市值為120亿，咁定價都几貴，直情谷到五 六十倍PE,所以额外申購机会要想清楚，暫時偏淡，仲要現在除咗淨俾佢Lock咗舊錢。

轉話题講商業物管卓越，仲唸緊認唔認，睇基本面不太吸引，但基石好似都几星光熠熠，有我喜歡的奥陸資本掌砣人蔡金強做基石，令我有一絲幻想。

此基金現時有揸的物管应有永升，寶龍，對又是商業物管。上網對認購卓越的評價好似審慎居多，via哥聲氣都麻麻。

又計吓數，商管對上隻金融街第一天埋單升兩成几，今次若相類似升幅，也不算好吸引。基本面金融街trade緊約廿倍，卓越差不多。但上網有球友指出連續几年負現金流，加上紥根大灣區，深圳商厦是否供應過剩，我没有資料，所以稳陣計小注認購或剝花生吧。