貪「新」忘舊？

 此图数字來自Aastock 

Cap幅图出來，最主要highlight兩樣嘢出來，一是很明顯今天6098有資金流出並大成交下跌，似乎龍頭股被拋售並創3個月新低，另從走勢來判斷自三月巳來再次要挑戰重要移動平均線支持位，現价是否值得買入各位自行定奪。

基本上就以上市值較大的物管，除於十月及十一月上市個几隻外，一佰亿市值以上的物管都是在沉底格局，1995 直頭行緊降軌咁嘅樣。

今天整個板錄得升幅的公司寥寥可數，包括9666金科，1502金融街 ，合景3913 ,卓越商企6989等等。仲有新上市的融創服務1516，我就不太喜歡佢個no,點解？冇買到囉，就係等你個心十五、十六時升俾你睇咯，印象中保母兩個合力保薦，今次翻撻是繼6098後，嘩咁都几得？梗係啦，因為之前有刨過保姆合作track record。

現在講馬後炮有鬼用咩，不如講買唔買得，不嬲不作投資建議，神針陳話早知叫兩飛，唔好咁專一，點知今天隻1516跑赢隻9666，唉！又係選擇障礙症發作，我講自己。因為我都落咗注落後者到。假設今天是有資金由A走去B 或者CDEFG到，咁应該BCDEFG仍有水位，喂人哋定價都係中間价咋，上限是12.65,基本上俾成蚊你執都唔執，一蚊我唸好過抽IXXXX，哭完股喪。

講返落咗注個隻，個腦又係Short short哋，因為又係手嘅活動快過腦，何解？

因為若細心睇招股書，我又未必会落注去佢到，有几個原因:

1. 地區性的物管，超過一半在管物業來自西南部如重慶等非一線城市，雖然近年重慶市的房地產交投活跃，但收入物管费增幅可能較慢。
2. 據招股書披露，物管收費也受地区政府所管控範圍，如重庆市政府也有按物業類別制訂四级收費，但具體執行方法及指引我冇在招股章程內找到。
3. 上市前收入來自管理項目的毛利率急升，相信有化妝的成份。
4. 另據招股書披露收繳率約為80% ，在物管公司內其實屬於偏低，大家約有印象早几個月曾提及2606時，也有收繳率低過九成的問題。
5. 此股也擁有內資股及有部股份未轉全流通，港股市值只佔兩成一。（62.67港股流通市值）vs 298.42總市值。印象中像這類有內資股的物管公司像欠缺活力及爆發力好像一般，已上市的国企物管包括:3319 6049 2606金融街等等，未來若轉全流通像3319 2606，股份供應增加也可以影響股價表現。