覆巢之下

美股不斷創新高，資金像走晒去炒美股咁，巳經有很多人講無數次港股很難揾食，耐何遲遲不能跳出去，繼續留守港股就要付出時間值的代價。今週整體很多板塊都做得麻麻，個別股份喪升喪跌，畢竟選中熱炒股不錯，奈何有几多人能像大神般高追股？

另一今年深切體會是銷定利潤，有食唔食……。

很多股票逢高位就會有很多獲利盤，最大感觸是隻希瑪，星期一衝上九蚊後無以為繼，11蚊嘅牙科上個月都曾掂過高位，現在得翻6個几。太多例子寫唔到。

資源、內房、物管及部分科網股捱沽，內房資金自恒大爆鑊後相繼有當代及佳仔要賣仔，暫時佳仔個六成几股權造價十几億，好似未有買家，但已上市的物管又有水得几家有能力去收購，包括6098 3319 1995 873等，後兩者剛配完股。

未知還有几多家爆雷，我自己稍稍擔心建業系，不過正如市場兄提及，整個物管及內房邏輯變了，雖然現時跌到近年估值低位，但相信揀中財務狀況及經營模式靠得住真考眼光！

另一砌落板塊是資源股，有色金屬如銅及鋁價從高位調整不少，所以股價也跟價碌落嚟。煤價也被監管，所以資源板塊是調整定轉勢真係唔識睇，都係炒神針功課，不過巳現在調整狀況，就算唔減倉都要睇清楚。

今週小有板塊做好，乳業相關公司有不同收購及項目，伊利收購1717,莊園牧場都做好，其他內需板塊相對較弱。

綠電概念有部分做好，火電股收惠煤價受控而部分有升幅，另一喪炒板塊是家電股, 1070 及751都有唔錯升幅，特別係751，早論業績前都有同神針提過有光伏概念，估佢唔到市場咁瘋狂炒爆佢，暫時睇光伏佔比不太高，市場期望收入會逐漸增加。

另一隻可能被市場忽略的綠電概念股是338，有興趣的戰友不妨研究吓。