第三季開局不利

今週星期四埋單唔見800几點，就算昨天彈回二佰几都冇咩用，金水個倉值由高位計巳累跌兩成，全年暫時負七巴仙，基本倉值自五月尾一路倒水向下。

今週港股通較簡單，因為大部份股都錄得顯著跌幅，但也有一些板塊做得不錯，都是跟消費相關：車股；汽車經銷商；餐飲火煱；內地品牌股；另外還有部分有色金屬及新能源股都做得較好。鋰電或電池股都有升幅。

整體較弱的有航運股，醫藥股，特別醫藥股回調都几明顯，早前較理想的生物科技及中藥概念都插得几勁，水花四濺。

內需板塊運動鞋真係劲到，特步、安踏明顯上升，隻李寧平收，隻1234利朗公佈營運數據增長不錯即郁郁吓，現時內地品牌爆發力不可睇少。

車板塊除1211外，吉利平收，但長城及廣汽都有進賬，加上高瓴入股後汽車代理整個板塊都很強，隻隻都係咁上，中升、 和諧、美東及永達都升。唔知今年881有沒有機會見三位股價。

內需還有餐飲海底捞，呷哺，九毛九几隻都有郁，特別隻頤海同海底跌咗咁多個月未知势喘定未。

新能源包括洛陽玻璃及福來特都升得靚，另外電池概念1772及819都有升，氫能189仲跨張，出咗盈喜後單週爆四成几！

資源特別有色個批唔錯3993及2600，宏橋、1208及2899都守得几得几稳，隻3993直頭爆兩成几。

個別板塊有料到還有新意網升近新高，化肥297升兩成三，电子煙華宝升一成，中國軟件升9%，388港交所得政策扶持升近8%。1119創夢天地急升兩成四。

航運得隻598有升幅，中遠海控急插，新能源仲有隻916企稳及金風有得升。

比較特別過往臨近盈喜潮的物管股應是收集期而唔係抛售期，但很多今週都有近5%至一成几跌幅，暫時只能當跟大市走，否则睇錯邊就……。