物管小即是美？

近排物管炒起，但極度分化。個別百億市值下的物管連續几天做好，如3316 3662 9928 9983 2168等。較冷門的小盤物管都見開始有買盤，如第一服務，銀城等。金水都有刨下以上公司及部份買入。感覺上这批市值較低都被炒起都是因為估值不貴，部分經歷急升後PE 還在20以下，相對那批龍頭物管動輙70几80倍PE 確有炒作的空間。

相反那批三四佰亿市值的物管近排較静，似乎資金最近較喜歡炒細市值的梯隊。

最奇怪是恒大系的6666市值一度超越藍籌新贵碧服，6098現今市值為2512億，6666今天收盤只剩下958億，是一間太貴還是另一間太便宜金水都唔識答，只知道自從三月公布業績後股價近乎腰斬，炒開此系的人都知道很難捉摸走勢，奇就奇在股價沉底時先來股東配股減持。接货者賬面已經輸咗一成，未來股價會否有大龍鳳金水無水晶球，幅圖睇就唔係好開胃，但以基本因素計三十几倍PE 談不上貴，當然此系飄忽的走勢就另計。所以小即是美時都可以望一兩眼这隻怪獸。

第一服務以2.4招股價上市，現價市值腰斬，平時買賣疏落，今天Viagor買入，金水用3分鐘大法睇有炒作空間，當然只適宜小注，因為轉身較難。關連公司當代置業不是大開發商，此股上市後最近兩個月做咗兩單收購，一單過億另一單唔夠一億。

金水提起这些數字，若以市值十几億計來說，收購作價不低，兩單deal金水冇仔細睇內容，但肯定對於未來業績有增長作用。

短炒又未必要睇咁長，但潛水中確有一搏之理。對上一份業績公佈在管面積1仟9佰几萬，合約面積3仟7佰几萬，储備接近一倍，不俗，但盈利增速算慢，扣上市開支為四成几，計上市開支為兩成左右。

三月公佈收購項目面積接近兩仟萬，巳超過現時的管理面積，未來收入增長几多要實際睇收購項目內容。

同樣收購項目超過在管面積也發生在3913合景悠活，所以透過收購項目去壯大自己並不一定成功帶來股價上升。