今年投資除第一季外，基本上都是捱打及陰乾狀態。一贯較順手易炒的板塊如物管都被洗倉式下跌，所有以前被睇好向因素被掃之一空。
大部分股都是跟車為主或跟風炒，像億和、完美醫療及醫思醫療。
億和做櫈都可以炒供應商概念，技術含量據聞冇隻558咁高，所以能否繼續炒高都是得個估字。睇位落車。
兩隻通關股各有賣點，完美月底會出業績，上次績後急插，不知道在消費券的幫助下能否改善業績，現價若再向下深少少可能就散水走人。醫思基本上業務跟完美不同，私營最大醫療集團，寵物醫療概念，加朗豪管理層過檔，鄭三代配股價跟現價差不多。感覺上鄭生是食腦加多計，瓣數又多，希望没有押錯注。
電動車仲買咗隻1772，舊年輸過錢，港般真正tesla概念不多，此是其中之一，不過同BYD 比無咁激情，所以沒有升得咁快。神針提及1772應歸類為礦務加工業類，到係邊打邊走，現在都很難講話部署中線。
資源股剩低隻1258，又係抄，不過睇怕都應該被我斬緊，銅價最近頂位後回落，公佈第三季業績後股東用了行動去投票，雖然綠電新能源車都需要用銅，但若作中長線部署工係另一樣。
碳中和及新能源概念股今週先後買入3800、916、956及1083，暫時都冇甜頭。還有柏能集團及現代牙科。現代牙科直情要五體投地，星期中爆一爆上6蚊，以為企稳轉勢，可惜又係假嘅，又要睇位走？整個內地醫療板塊死晒鬼，冇邊隻有勢。
近排想要股海揾食，不能太貪，資金缺少及基調差的環境下，嚴守止蝕位非常重要，輸得甘最要是唔止蝕及不斷向下溝，今年大幅跑輸大市是因為犯了投資大忌！
組合持股
3600 現代牙科
1263 柏能集團
1258 中國有色
1830 完美醫療
1083 港華燃氣
2138 醫思健康
3800 保利協鑫
916 龍源電力
1772 贛鋒鋰業
956 新天綠色
838 億和控股
金水倉回報年初至今 -24%
恒指回報年初至今 -8.7%
無睇錯
你走晒物管股了
回覆刪除資息兄，對啊，可能沽在底部，有實力的內房如国企或恒指四隻內房都有併購能力，龍湖、碧桂園、中國海外及華潤系可能在這段時間作併購，但其他有實力的民企都跌到反彈，813同873今次可能被錯殺，11蚊邊的873及10蚊以下的813其實巳有投機价值。
回覆刪除金水嘅心情小弟感同身受，下半年基本都處於接刀模式！完美錯過神針陳同tim神d功課，波動市跟唔到d遊資搵食，越買越冇信心！唔少師兄都正數，甚至5成以上，只怪自己執行力永遠慢幾拍！
回覆刪除醫療，電子，資源唔知最後個幾月有冇起色，希望回下血🙏🏽
輸錢是其次，最主要是技術差的印證。不過headwind 難搞是事實，較難揾食是正常，除非肯短炒及睇位食糊。否則錯失食糊機會分分鐘鐘會倒蝕收場。
回覆刪除啱，沒有跟市場去變通，最終損手爛腳！
刪除